خواطر هاربة

هاربة من حزنى إليكى
خائفة من عينيكى

من نظرة دامعة من نفس جاذعة
اعلم أنك أنك ضائعة
باحثة لاهثة بنظرات أملة
انفاسك متقطعة
خاضعة خاشعة
لنهاية خيالية زائفة
جميلة ناعمة
وقصة رائعة
تذوبين فى أحداثها
مختبة بين ضحكاتك
ففتشت بين احشائك
وقلبت صفحات ألالامك
لارى الحزن ملكا متوجا على أعراشك
ومملكة تسكنها اشباحك
ألحانها صرخات أهاتك
ليتنى كنت حكيما لاطبب لكى جراحك

او حبيبا لاشعل بحبى افراح أيامك

فن الباتش وورك patch work

فن من قديم الازل بس سمعت عنه قريب وبيتلخص فكلمتين إعادة إستخدام الاقمشة القديمة لصناعة أى غرض جديد ويتباع فشكل أى منتج


أخر وممكن يتعمل منها مفارش للاسرة والمناضد أو معلقات على الحائط أو سجاد يدوى..أو شنط وكوفيات وبيعتبر هواية رائعة لاى حد


بيعانى من وقت فراغ وأكيد له صبر على بطء الاشغال اليدوية ولكن النتيجة مزهلة..

من أشهر مصممى أعمال الباتش وورك فى مصر

الدكتورة فادية فهمى وهى أستاذ دكتور بكلية الترية الفنية...


وليها برنامج حلو جدا على قناة الاسرة والطفل يوميا أسمه باتش وورك وبتعلم كل مرة مهارات لصنع شيىء جديد من فضلات القماش دى..
والدكتور محمد علام أستاذ كمان.. بكلية التربية الفنية ويمكنك مشاهدة نشاطاته فى موقع مشروعه المميز فجنون أرت

وهى مكان مميز جدا بيقوم فيه الاطفال واى شخص بتعلم الاشغال اليدوية كالسجاد اليدوى والكليم وملحق بيه مكان أسمه فجنون فلاح ودة

نموذج مصغر لقرية زى اللى كان بيعيش فيها المصرى زمان وتعتبر مكان مناسب جدا عشان اى حد يقضى يوم حلو او شم النسيم هناك ف


المساحات الخضرا والموقع بتاعه موجود عليه لقطات وفيديو وخريطة للوصول



http://www.fagnoon.net/

أخيرا فهمت يعنى أيه تنمية بشرية

أنا فى أجازة نصف السنة دلوقتى فقررت بدل تضيع الاسبوعين تماما انى اجرب حاجة جديدة

وبكل صراحة بعد دخول الكلية حسيت أنى جالى توحد مبقتش اتعامل غير مع الناس اللى اعرفهم كويس والمرض الفظيع اللى كان عندى انى اتعرف على ناس كتير عشان استفيد منهم خبرات واكسب صداقات جديدة كان بجد اوشك على الانتهاء..

فقررت أروح دورة تنمية بشرية بدون أى تخطيط فجأة كدة

يمكن بجد أتغير زى ماسمعت أن المدربين فى الدورات دى بيغيروا مسار ناس بجد لانهم كمان ف الدورات دى بيفهموا الناس أسس النجاح

والزاى يبقا عندك هدف محدد ممكن يوصلك تبقا من أنجح الشخصيات اللى بتأثر فى تاريخ ونهضة دول..

روحت وكنت مش مقتنعة أوى بالعبط دا كله بس بجد اكتشفت بلاوى بمعنى بلاوى

أول ما المدرب شرح بعض حاجات أنا بجد بدأ يجيلى ذهول...هوا أنا ليا هدف؟هدف محدد؟

يعنى هدف عشانه أتنازل عن حاجات كتيرة عشان أحققه يعنى عندى أصرار ومبفكرش فعلا غير ف الوصول ليه؟؟وبعمل كل حاجة تخلينى بجد أبدأ فى تحقيقه؟؟؟؟؟

لما لقيتنى بسأل نفسى فى أول كام دقيقة قررت أركز أوى مع المدرب ولقيت أنى بعمل حاجات كتير تلقائيا وبدون سابق معرفة ان دى اسس من اسس النجاح..

حضرت ال3 أيام المكثفين

أنهاردة خلصتهم وهاعيد كتابتهم هنا لسبب واحد

أنى كنت عاوزة مجرد انى انجح عموما

بس عمرى ما حددت حاجةعشان لو الظروف غيرتها نفسيتى ماتتعبش

وبمعنى أصح كنت حاطة للفشل مش النجاح مقاييس غريبة وبسببها نجحت بس تعبت جسديا وذهنياونفسيا جدا

وكانت عندى مشكلة لقيت حلها ف التلات ايام دول انى كل ما كنت ابدأ حاجة

وأصمم أنى أنجح فيها كنت بطلع ف الروح من الزهق وهيا على وشك انها فعلا تتحقق

ومكنتش بوصل للى انا عايزاه

نجاحى فى مجال الغزل والنسيج هوا هدف من أهدافى والبداية قلم وورقة..

هاكتب أهدافى وهاخليها قدامى مش مهم هافشل قد أيه

المهم بجد أكتر أن كل أنسان يحس أنه بيبذل أقصى مجهود وخلص بنزينه لاخر نقطة

عشان ميرجعش يندم على وقت ضيعه من غير أى أنجاز حقيقى

وأى حد عايز يحس بالسعادة والنجاح والرضا بجد ولو للحظة واحدة فى عمره

يبدأ بالعبادة أولا وبعدين مساعدة الناس

المرة الجاية هاكتب

العادات السبعة لاكثر الاشخاص فعالية

ودا كتاب لستيفن كوفى ودا من أنجح مدربى التنمية البشرية على مستوى العالم ولن أنسى ذكره لرسولنا الكريم

محمد صلى الله عليه وسلم فى كتاباته بأنه من أكثر الناس فعالية ف العالم

برغم أميته ونشأته البدوية